"Ювентус" ва "Торино" клублари рахбарлари ҳимоячи Анжело Огбонна трансфери борасида якуний тўхтамга келдилар. Бу ҳақда La Gazzetta dello Sport маълум қилган.
Трансфер суммаси 12 миллион еврони ташкил этиб, маблағ уч йил мобайнида тўланади.
Жуда тез орада Огбонна тиббий кўрикдан ўтади ва шартномага имзо чекади. "Ювентус" машғулотларига у жума кунидан бошлаб қўшилади.
Айтиш жоиз, Италия чемпионатининг аввалги мавсумида Огбонна 22 ўйинда майдонга тушган.