Дарвозабон Жордан Пикфорд "Эвертон" билан янги меҳнат шартномасини имзолаш бўйича музокаралар олиб бормоқда. Бу ҳақда ижтимоий тармоқлар орқали инсайдер Николо Скира маълум қилди.
Томонлар деярли келишиб олдилар ва ҳамкорликни 2028 йил ўрталарига қадар узайтирадилар. Пикфорднинг "ирислар" билан амалдаги шартномаси 2027 йилнинг июнь ойи охирида якунланади. 31 ёшли футболчининг Transfermarkt порталидаги нархи экспертлар томонидан 18 миллион еврога баҳоланмоқда.
Жордан Англия Премьер-лигасининг жорий мавсумида 4 та ўйин ўтказиб, 3 та тўп ўтказиб юборди. Икки ўйинда дарвозабон ўз дарвозаси дахлсизлигини сақлаб қолди.
