Нидерландиянинг "АЗ Алкмаар" клуби ярим ҳимоячиси Кес Смитга Европанинг яна бир топ-клуби қизиқиш билдирмоқда. Ёш юлдуз учун асосий даъвогар узоқ вақтдан бери яқин келажакда трансферни амалга оширишни режалаштираётган Мадриднинг "Реал" клуби бўлиб келган. Defensa Central хабарига кўра, 19 ёшли футболчини "Челси" ҳам нишонга олган. Лондон грандининг қизиқиши "қаймоқранглилар"ни янада қатъийроқ ҳаракат қилишга мажбур қилиши мумкин.
Transfermarkt портали экспертлари Кес Смитнинг нархини 5 млн еврога баҳоламоқда, нидерландияликнинг амалдаги шартномаси 2028 йилгача мўлжалланган. "АЗ Алкмаар"нинг асосий жамоасида хавбек 41 та ўйинда майдонга тушиб, иккита гол ва бешта голли узатмани амалга оширган.
