"Монако" устози Ади Хюттер юлдуз ярим ҳимоячи Поль Погбанинг дебюти қачон амалга оширилиши мумкинлигини айтди. Жамоа бош мураббийининг сўзларига кўра, хавбек яқин икки ҳафта ичида майдонга тушади.
Эслатиб ўтамиз, Погба ёзги трансфер ойнасида монегасклар сафига қўшилганди. "Монако" - ярим ҳимоячининг допинг туфайли узоқ муддатли дисквалификациядан кейинги илк клуби. Поль сўнгги ўйинини 2023 йил сентябрь ойида ўтказган.
32 ёшли футболчи эркин агент сифатида монегасклар сафига қўшилди. Погба "Монако" билан икки йиллик меҳнат шартномасини имзолади. Полнинг ҳозирги трансфер нархи беш миллион еврога баҳоланмоқда.
