Лондоннинг "Арсенал" клуби собиқ ҳужумчиси Тьерри Анри "Манчестер Сити" форварди Эрлинг Холанднинг сермаҳсуллиги ҳақида гапирди.
"Холанд ўз ёшида шунча гол урган... Бу борада у билан ҳеч ким баҳслаша олмайди. Одамлар унинг голларини табиий қабул қилишади, аммо у кўрсатаётган рақамлар нормал эмас. Бироқ у ҳаммасини ўзи учун жуда осон бўлаётгандек бажаради», - дея Анрининг сўзларини келтиради CBS Sports Golazo.
Янги мавсумда 25 ёшли Холанд барча мусобақаларни ҳисобга олган ҳолда ўтказилган бешта ўйинда олтита гол урди.
Эслатиб ўтамиз, аввалроқ норвегиялик голеадор "Манчестер Сити" билан меҳнат шартномасини 2034 йилгача узайтирган эди.
