"Барселона" бош мураббийи Ханс-Дитер Флик жамоа ҳужумчиси Ламин Ямалнинг "Олтин тўп"ни қўлга киритиш имкониятлари ҳақида фикр билдирди.
"Билмайман, лекин ўйлайманки, бир кун келиб Ламин бу мукофотни қандай қўлга киритишини кўрамиз. Биз ҳурмат юзасидан маросимга ташриф буюрамиз, чунки биз номзодмиз ва нима бўлишини кўрамиз. Бу совринни олган ҳар қандай ўйинчи унга лойиқдир", - деди Флик матбуот анжуманида.
Жорий мавсумда 18 ёшли Ямал Испания чемпионатида 3 та ўйинда майдонга тушиб, 2 та гол урди ва 3 та голли узатмага муаллифлик қилди.
"Олтин тўп-2025"ни топшириш маросими 22 сентябрь куни Парижда бўлиб ўтади.
