Германия Бундеслигасининг 4-турида "Бавария" сафарда "Хоффенхайм"ни мағлуб этди - 4:1.
Учрашувда мюнхенликлар форварди Харри Кейн хет-трик қайд этди. 32 ёшли англиялик 44-дақиқада ўйиндан гол урган бўлса, 48 ва 77-дақиқаларда икки марта пенальтидан унумли фойдаланди. 90+9-дақиқада Серж Гнабри 4-голни урди.
Мезбонларнинг ягона голига 82-дақиқада Владимир Цоуфал муаллифлик қилди.
"Бавария" (12) мавсум стартидаги тўртинчи ғалабасини қўлга киритди ва Бундеслигада пешқадамликни давом эттирмоқда. "Хоффенхайм" (6) турнир жадвалида 8-ўринда бормоқда.
Бундеслига, 4-тур
Хоффенхайм - Бавария - 1:4
20 сентябрь, 18:30, «PreZero Arena» (Зинсхайм)
Голлар: Кейн, 44 (0:1). Кейн, 48 - пенальтидан (0:2). Кейн, 77 - пенальтидан (0:3). Цоуфал, 82 (1:3). Гнабри, 90+9 (1:4)
Хоффенхайм: Бауманн, Гранач, Хайдари, Бернарду, Цоуфал (Акпогума, 83), Авдуллаху (Тохумджу, 83), Бюргер (Премель, 78), Прасс, Туре, Дамар (Крамарич, 66), Асллани (Бебу, 78)
Бавария: Нойер, Ким Мин Джэ (Упамекано, 69), Та, Лаймер, Боэ (Бишоф, 86), Горецка (Киммих, 62), Павлович, Жексон (Гнабри, 62), Диас, Карл (Олисе, 62), Кейн
Огоҳлантиришлар: Цоуфал, 9 - Диас, 12. Горецка, 29
