«Фиорентина» ҳужумчиси Стефан Йоветич «Манчестер Сити»га ўтишга розилик берди. Бу ҳақда «Mediaset» нашри хабар тарқатмоқда.
Манбага кўра, Черногория терма жамоаси ҳужумчиси «шаҳарликлар» билан йилига 4 миллион евро маошга мўлжалланган беш йиллик шартнома имзолаши кутилмоқда. Шу билан бир қаторда, «Сити» ҳам «Фиорентина» билан футболчининг трансфери борасида келишувга эришгани йўқ.
Инглиз клуби Йоветич трансферини 25 миллион еврога баҳолаган. Улар «Фиорентина» жавоби қанақа бўлишини кутишмоқда.