Италия чемпионатида 4-тур ўйинлари давом этмоқда, "Милан" "Удинезе" устидан сафарда йирик ҳисобда ғалаба қозонди - 3:0. Массимилиано Аллегри дисквалификация туфайли ўйинни ўтказиб юборгани учун ўйиндан сўнг унинг ёрдамчиси Марко Ландуччи ўз фикрларини билдирди.
"Биз доим шундай ўйнашимиз керак. Шундай руҳ билан. Эслатиб ўтаман, бугунги рақибимиз "Интер" ва "Писа"ни мағлуб этганди. Ишлашда давом этамиз, 3:0 ҳисобида ғалаба қозондик, аммо ҳали чемпион бўлмадик," - дея Ландуччининг сўзларини келтиради pianetamilan.it.
Италия чемпионатининг навбатдаги турида "Милан" мамлакат чемпиони "Наполи"ни қабул қилади.
