"Милан"да Массимилиано Аллегрининг ёрдамчиси бўлиб ишлаётган Марко Ландуччи ярим ҳимоячи Лука Модрич ҳақида фикр билдирди.

Шанба куни 40 ёшли хорватиялик футболчи "россонерилар"га "Удинезе" устидан йирик ҳисобда ғалаба қозонишга (3:0) ёрдам бериб, 81 дақиқа ўйнади.

"Унинг қандай футболчи эканини ҳамма билади, лекин мен Лукадаги инсоний фазилатларни таъкидламоқчиман. У жуда камтар, ҳақиқий чемпион. У ўзини бутунлай ишга бағишлади. Модрич ёшлар каби машғулотларни давом эттирмоқда, у жамоадаги барчага намуна. Бу ақл бовар қилмайдиган нарса," - деди Ландуччи DAZN’га берган интервьюсида.

Лука Модрич "Милан"да илк мавсумини ўтказмоқда. Аввалроқ, хавбек Мадриднинг "Реал" клубида ўйнаган.