"Ливерпуль" ҳужумчиси Муҳаммад Салоҳ навбатдаги рекордга жуда яқин келди. Шанба куни мисрлик футболчи "қизиллар"га дербида "Эвертон"ни мағлуб этишга ёрдам берди (2:1) ва голли узатмани амалга оширди. Эндиликда 33 ёшли футболчининг ҳисобида Англия чемпионати доирасида "Ливерпуль" либосида 274 та самарали ҳаракат бор. Squawka хабарига кўра, Салоҳ бир клуб сафида АПЛда гол ва ассистлар сони бўйича иккинчи ўринда бормоқда. Рекордчи "Манчестер Юнайтед" собиқ форварди Уэйн Руни бўлиб қолмоқда, аммо англиялик тез орада пешқадамликни бой берадиган кўринади - унинг ҳисобида 276 очко бор.
Рейтингнинг учинчи поғонасини "МЮ" сафида 271 та голли ҳаракат амалга оширган Райан Гиггз, кейинги ўринларни Харри Кейн ("Тоттенхэм," 259) ва Тьерри Анри ("Арсенал," 249) эгаллаган.
