"ПСЖ" вингери Брэдли Барколя Лига 1да "Марсель"га қарши муҳим ўйин олдидан соғлиғи билан боғлиқ муаммоларга дуч келмоқда.
Франция чемпионатининг 5-тур баҳси якшанба куни бўлиб ўтади. Журналист Фабрис Хокинснинг ёзишича, Барколя мушаклар дискомфортидан азият чекмоқда. Умуман олганда, муаммо жиддий бўлиши даргумон: 23 ёшли футболчи "Марсель" билан ўйинда захирада қолдирилиши, кейинроқ яна асосий таркибга қайтиши мумкинлиги тахмин қилинмоқда.
27 сентябрь куни Луис Энрике жамоаси ўз уйида "Осер"ни қабул қилса, 1 октябрь куни Чемпионлар Лигаси умумий босқичининг 2-тури доирасида "Барселона" билан сафарда учрашади.
