Ханс-Дитер Флик Маркус Рэшфорднинг ўйини ҳақида гапирди.

"МЮ"дан ижарага олинган ҳужумчи Чемпионлар Лигаси умумий босқичининг 1-турида "Ньюкасл"га қарши ўйинда (2:1) дубль қайд этди ва "Барселона" таркибидаги илк голларини киритди.

— Рэшфорднинг ўйини ҳақида нима дея оласиз? Унинг даражаси қандай?

— Мен бу ҳақда бир неча бор айтганман. У шу икки гол эвазига ўзига бўлган ишончни орттирди. Биз жуда шиддатли футбол ўйнаймиз - мен ундан айнан шуни кутяпман.

Футболчи янги клубга ўтганида янги фалсафага мослашиши керак, аммо Маркус бизга мос вақтда сафимизга келди. Мен унинг даражасини кўряпман, лекин у кўп ишлаши ва ривожланиши керак. Мен уни рағбатлантириш ва қўллаб-қувватлашда давом этаман," - деди "Барса" бош мураббийи Флик.

Бугун каталонияликлар Ла Лига 5-турида "Хетафе"ни қабул қилади.