«Манчестер Юнайтед» ўзининг ярим ҳимоя чизиғини кучайтирмоқчи. Шу билан бирга Мадриднинг «Реал» клуби "МЮ" тарбияланувчиси Кобби Майнуга қизиқиш билдираётгани манкунианликларга маълум.

«Қизил иблислар» ҳар икки клубни қаноантлантирувчи таклиф беришга тайёр: Федерико Вальвердени қўлга киритиш учун 50 миллион евро ҳамда Кобби Майнуни бермоқчи. Бу ҳақда DefensaCentral хабар берди.

Манба тарқатган маълумот беришича, «Қироллик клуби» бу таклифни қабул қилиш ниятида эмас, чунки уругвайлик яримҳимоячини жамоанинг асосий футболчиларидан бири сифатида кўради ва жамоанинг келажакдаги сардори деб ҳисоблайди.

Жорий мавсумда Вальверде барча мусобақаларда олти учрашувда иштирок этиб, икки голли узатма билан ажралиб турди. Футболчининг амалдаги шартномаси 2029 йил ёзига қадар амал қилади. Transfermarkt портали маълумотларига кўра, унинг бозор қиймати 130 млн еврони ташкил этади.