"Байер" ўз майдонида Германия чемпионатининг 4-турида Менхенгладбахнинг "Боруссия" клуби билан дуранг ўйнади - 1:1.
70-дақиқада мезбонлар ярим ҳимоячиси Малик Тилльман гол урди. Учрашувнинг 90+2-дақиқасида меҳмонлар ҳужумчиси Харис Табакович мувозанатни тиклади.
"Байер" 5 очко билан Бундеслига турнир жадвалида 12-ўринда бормоқда. Кейинги турда леверкузенликлар сафарда "Санкт-Паули" меҳмони бўлади.
"Боруссия М" 2 очко билан сўнгги поғонадан олдинги 17-ўринда бормоқда. Жамоа кейинги турда ўз майдонида "Айнтрахт"ни қабул қилади.
