"Барселона" ярим ҳимоячиси Фермин Лопес "Хетафе"га қарши баҳсда жароҳат олди.

Учрашув якшанба куни Ла Лиганинг 5-тури доирасида бўлиб ўтди. Лопес 60-дақиқада захирадан майдонга тушди ва ўйинни охиригача давом эттира олди, аммо эпизодлардан бирида жароҳат олгани тахмин қилинмоқда. Финал ҳуштагидан сўнг 22 ёшли футболчи кўз ёшларини тия олмади, бош мураббий Ханс-Дитер Флик уни тинчлантирди. Испаниялик хавбекнинг жароҳати қанчалик жиддий экани ҳозирча номаълум.

"Барселона"нинг "Хетафе" билан учрашуви "кўк-анорранглилар"нинг ишончли ғалабаси билан якунланди - 3:0. Биринчи бўлимда Ферран Торрес дубль қайд этган бўлса, танаффусдан кейин Дани Ольмо якуний ҳисобни ўрнатди.