"Барселона" ҳужумчиси Ферран Торрес якшанба куни Ла Лига доирасида "Хетафе"га қарши кечган ўйинда (3:0) дубль қайд этди.
25 ёшли футболчи 15 ва 34-дақиқаларда меҳмонлар дарвозасини ишғол қилган бўлса, 60-дақиқада захирага олинди. Финал ҳуштагидан сўнг испаниялик ҳужумчи учрашувнинг энг яхши футболчиси совринини қўлга киритди.
"Аввал ҳам бир неча бор айтганимдек, "Барселона"нинг асосий таркибида ўйнашим мумкин. Ҳали ҳаммаси олдинда.
"Кўплаб жамоалар бизга қарши зич ҳимояланмоқда ва биз бўш ҳудудларни қандай топишни билишимиз керак. Жамоамизда ажойиб пасга эга ўйинчилар кўп - биз бундан фойда олишни биламиз. Бугун иккинчи бўлимни яхши бошлаганимиз йўқ, аммо энг муҳими - уч очко," - деди Торрес DAZN’га берган интервьюсида.
