"Хетафе" бош мураббийи Хосе Бордалас "Барселона" футболчиси Ферран Торреснинг танқидига жавоб қайтарди.
Якшанба куни Каталония гранди "Хетафе"ни 3:0 ҳисобида мағлуб этди. Учрашув якунлангач, дубль муаллифига айланган Торрес рақибларнинг ўйин услуби ҳақида ёмон фикр билдириб, уларни ортиқча қўполликда айблади.
"Торреснинг менинг жамоам ҳақидаги гаплари? Майли, бу кенг тарқалган фикр, лекин биз ва "Барселона" ўртасидаги фарқ - миллиард евро. Бошқа айтадиган гапим йўқ. Бизга энг юқори даражадаги рақиб қаршилик кўрсатди", - деди Бордалас.
"Хетафе" 5 турдан кейин 9 очко билан турнир жадвалида саккизинчи ўринда бормоқда. "Барса" 13 очко билан иккинчи ўринда.
