"Манчестер Юнайтед" ярим ҳимоячиси Кобби Майну Италия А Сериясининг икки клуби қизиқишлари доирасига тушиб қолди.
20 ёшли футболчининг ҳолатини "Ювентус" ва "Рома" клублари кузатиб бормоқда, деб ёзади Transfer News Live AS Roma Live’га таяниб. "Қизил иблислар" англиялик хавбек шу вақтгача асосий таркибга кира олмаса, уни январда ижарага қўйиб юбориши мумкинлиги тахмин қилинмоқда.
Кобби Майну ёзги трансфер ойнасидаёқ ижарага кетишга тайёр эди, аммо "Манчестер Юнайтед" футболчини қўйиб юборишни истамади. Машҳур Transfermarkt портали экспертлари порлаётган юлдузнинг нархини 50 млн еврога баҳоламоқда.













