Миланнинг "Интер" клуби президенти лавозимида ишлаб келаётган Жузеппе Маротта А Серия жорий мавсумида чемпионлик учун асосий даъвогар ким эканини айтди.
"Наполи" яққол фаворит бўлиб қолмоқда. Улар амалдаги чемпионлар ва ёзда жамоани кучайтириш учун катта маблағ сарфлашди, шунинг учун скудетто учун курашда мутлақ фаворит бўлиб қолмоқда," - деди Маротта Sky Sport билан суҳбатда.
Антонио Конте жамоаси ҳозирча йўқотишларсиз бормоқда - ўтказилган уч ўйиндан сўнг тўққиз очко. Бугун, душанба куни неаполликлар ўз уйида янги келган "Писа"ни қабул қилади.
"Интер" якшанба куни "Сассуоло"ни мағлуб этди (2:1).
