Маурицио Сарри "Лацио"нинг А Серия доирасида "Рома"дан учралган мағлубиятини (0:1) баҳолади.

"Бизда 4-5та яққол вазият бўлди, биринчи бўлимда ҳисобни очишимиз мумкин эди. Қўпол хато туфайли ютқаздик. Кўрамиз, бу ҳимоячининг техник хатоси бўлганми ёки у эпизодга жиддий ёндашмаганми.

Умуман олганда, яхши ўйин ўтказдик, аммо мана бундай ютқаздик. Мухлисларимизга ачинамиз, улар бизни қўллаб-қувватлашди. Шунингдек, жамоага ҳам ачинаман - биз мағлубиятга лойиқ эмасдик. Менимча, дурангга лойиқ эдик.

Гол ўтказиб юборганимиздан кейин секинлашдик, аммо шу пайтгача рақибга кўп имкон бермадик ва бир-икки марта гол уришимиз мумкин эди. 38-дақиқагача ("Рома" - Спортс) ютқазишимиз учун шарт-шароитларни кўрмадим," - деди "Лацио" устози.