"Реал" "Олтин тўп" маросимини бойкот қилишда давом этади.
2024 йилда "қироллик клуби" мукофот Винисиусга насиб этмаслигини билиб, делегациянинг тадбирга ташрифини бекор қилганди.
The Athletic хабарига кўра, бу йил ҳам "Реал" шундай қилади. Бугунги "Олтин тўп" маросимида "Реал" футболчилари ҳам бош соврин, ҳам энг яхши ёш ўйинчи ва энг яхши дарвозабон совринига даъвогарлик қилаётган бўлса-да, клуб вакиллари бўлмайди.
"Мадрид" шу пайтгача расмий каналлари орқали "Олтин тўп" ҳақида оғиз очгани йўқ.













