Сингапурда давом этаётган пара сузиш бўйича Жаҳон чемпионатининг иккинчи кунги беллашувлари ниҳоясига етди.

Маълум қилганимиздек, кечги дастурда терма жамоамизнинг икки аъзоси — Азизбек Бойназаров (S8) ва Мубинабону Халилова (S13) финал босқичида стартга чиқди.

Бойназаров 100 м масофага чалқанча сузиш дастури финалида 1:11.15 сонияда маррага етиб келган бўлса, Халилованинг 100 м масофага брасс усулида сузиш беллашувларидаги якуний натижаси 1:23.56 сония бўлди.

Шундай қилиб, бугун чиқиш қилган Азизбек Бойназаров ва Мубинабону Халилова ўз дастурларида еттинчи натижани қайд этишди.

Спортчиларимизнинг мусобақадаги иштироки эртага давом этади.