Испания чемпионатининг 5-турида "Хетафе" дарвозасига 3 та тўп киритган "Барселона" навбатдаги ғалабасини қўлга киритди. Каталонияликлар ўз етакчиларидан бирининг юбилейини муносиб тарзда нишонладилар - бразилиялик Рафинья учун ўйин Каталония гранди таркибида барча турнирларда 150-ўйин бўлди.
Эслатиб ўтамиз, футболчи клуб сафида 2022 йилдан буён тўп тепиб келмоқда, бунгача Рафинья Англиянинг "Лидс" жамоасида муваффақиятли ўйнашга улгурганди. Испания чемпионатининг навбатдаги 6-турида "Барселона" сафарда "Овьедо"га қарши баҳс олиб боради ва баҳс 25 сентябрь куни бўлиб ўтади.
