Ispaniya chempionatining 5-turida "Xetafe" darvozasiga 3 ta to‘p kiritgan "Barselona" navbatdagi g‘alabasini qo‘lga kiritdi. Kataloniyaliklar o‘z yetakchilaridan birining yubileyini munosib tarzda nishonladilar - braziliyalik Rafinya uchun o‘yin Kataloniya grandi tarkibida barcha turnirlarda 150-o‘yin bo‘ldi.

Eslatib o‘tamiz, futbolchi klub safida 2022 yildan buyon to‘p tepib kelmoqda, bungacha Rafinya Angliyaning "Lids" jamoasida muvaffaqiyatli o‘ynashga ulgurgandi. Ispaniya chempionatining navbatdagi 6-turida "Barselona" safarda "Ovyedo"ga qarshi bahs olib boradi va bahs 25 sentyabr kuni bo‘lib o‘tadi.