Дидье Дешам Усмон Дембелени "Олтин тўп" соврини билан табриклади.

Кеча Парижда "ПСЖ" ва Франция терма жамоасининг 28 ёшли вингерига жаҳоннинг энг яхши футболчиси соврини топширилди.

"Усмон билан баъзи шахсий мулоҳазаларимни ўртоқлашдим. Мен уни табрикладим - бу унинг учун ажойиб оқшом. У бунга лойиқ.

Бу француз футболи учун жуда яхши - у Франция терма жамоаси футболчиси. Унинг муваффақияти Усмон ўз фаолиятида ва хусусан "ПСЖ" билан эришган ютуқлари туфайли Франциянинг ҳам муваффақиятидир.

У ниҳоятда кучли характерга эга инсон," - деди Франция терма жамоаси бош мураббийи Дешам.