"Манчестер Юнайтед"нинг собиқ ярим ҳимоячиси Рой Кин "Манчестер Сити"нинг каталониялик устози Хосеп Гвардиоланинг тақвим жуда тиғизлигидан шикоят қилганига муносабат билдирди. Киннинг фикрича, ҳозирча бундан шикоят қилишга эрта.
"Гвардиола тақвимдан, юкламалардан шикоят қила бошлади, аммо биз эндигина сентябрь ойидамиз. У шикоят қилмаслиги керак - АПЛдаги бошқа мураббийларда таркибни алмаштириш бўйича бундай имкониятлар йўқ," - деди Кин.
Эслатиб ўтамиз, Хосеп Гвардиола инглиз клубини 2016 йилда қабул қилиб олган, бунгача у Каталониянинг "Барселона" ва Мюнхеннинг "Бавария" клубларида ишлаган.
