Мадриднинг "Реал" клуби вингери Винисиус Жуниор Ла Лига доирасидаги "Леванте"га (4:1) қарши ўйинда урган голи ҳақида гапирди.
Учрашувнинг 28-дақиқасида бразилиялик футболчи ҳисобни очган бўлса, бироздан сўнг голли узатмани амалга оширди. Винисиуснинг голи беллашувнинг безаги бўлди: у тўпни оёғининг ташқи томони билан узоқ бурчакка жойлаб қўйди.
"Бундай голларни "тривела" билан киритишни менга Лука Модрич ўргатган. У бизга етишмаяпти. Мен бундай зарбаларни ҳар доим яхши бажара олганман. Бу менинг энг чиройли голларимдан бири," - дея 25 ёшли футболчининг сўзларини келтиради Madrid Universal.
