Madridning "Real" klubi vingeri Vinisius Junior La Liga doirasidagi "Levante"ga (4:1) qarshi o‘yinda urgan goli haqida gapirdi.

Uchrashuvning 28-daqiqasida braziliyalik futbolchi hisobni ochgan bo‘lsa, birozdan so‘ng golli uzatmani amalga oshirdi. Vinisiusning goli bellashuvning bezagi bo‘ldi: u to‘pni oyog‘ining tashqi tomoni bilan uzoq burchakka joylab qo‘ydi.

"Bunday gollarni "trivela" bilan kiritishni menga Luka Modrich o‘rgatgan. U bizga yetishmayapti. Men bunday zarbalarni har doim yaxshi bajara olganman. Bu mening eng chiroyli gollarimdan biri," - deya 25 yoshli futbolchining so‘zlarini keltiradi Madrid Universal.