Мадриднинг "Реал" клуби келаси йили ҳимоя марказини кучайтиришни истамоқда.
Ўтган ёзда "қаймоқранглилар" сафини Дин Хёйсен тўлдирди, аммо клуб яқин келажакда марказий ҳимоячи позициясини янгилашни давом эттиришни режалаштирмоқда. Diario AS нашри тарқатган хабарга кўра, испаниялик гранднинг асосий нишонлари уч нафар француз - "Transfermarkt" портали томонидан 60, 50 ва 80 млн еврога баҳоланган Ибраима Конате ("Ливерпуль"), Дайо Упамекано ("Бавария") ва Вильям Салиба ("Арсенал") ҳисобланади.
Дастлабки икки футболчининг амалдаги шартномаси келаси ёзда тугайди, аммо "Ливерпуль" ва "Бавария" келишувни узайтирмоқчи. Салиба битими 2027 йилнинг ўрталарига қадар амал қилади.
