"Арсенал" бош мураббийи Микель Артета марказий ҳимоячи Пьер Инкапьенинг жароҳати ҳақида маълум қилди.
23 ёшли футболчи "Манчестер Сити"га қарши бўлиб ўтган АПЛ доирасидаги сўнгги ўйинда майдонга тушмади.
Испаниялик мураббийнинг сўзларига кўра, янги келган футболчининг соғлиғида муаммолар бор. "Инкапьенинг кичик жароҳати бор, яқин кунларда унинг ҳолатини кузатиб боришимиз керак. Операциядан кейин у мавсумолди машғулотларга тўлиқ ўтмади.
Бир ҳафтадан кейин унинг ўзини қандай ҳис қилишини кўрамиз. Биз аниқ прогноз айта олмаймиз, аммо унинг тикланиши кўп вақт талаб қилмайди деб ўйлайман", - дея Артетанинг сўзларини келтирмоқда инглиз ОАВ.
