"Барселона"нинг испаниялик ярим ҳимоячиси Марк Берналь ёзги трансферлар вақтида жамоани тарк этиши мумкин эди. Бу ҳақда журналист Габриэль Санс маълум қилди.
Манбага кўра, ёзда Бернални "Челси" ва "Ан-Наср" ўз сафига қўшиб олмоқчи бўлган, бироқ 18 ёшли футболчи барча таклифларни рад этиб, "Барселона"да қолган. Таъкидланишича, "Челси" Бернални сотиб олиб, "Страсбург"га ижарага бермоқчи бўлган, "Ан-Наср" эса футболчини асосий таркибда ўйнатмоқчи эди.
Бернал хочсимон боғламлар узилиши туфайли бир йилни ўтказиб юборди. Ярим ҳимоячи Испания чемпионатининг 3-турида "Валенсия"га қарши ўйинда (6:0) 9 дақиқа ўйнади.
