"Леванте" сардори Винисиус Жуниорнинг хулқ-атворини қаттиқ танқид қилди.
"Реал" Ла Лиганинг 6-турида "Леванте"ни 4:1 ҳисобида мағлуб этди. Килиан Мбаппе Мадрид жамоасининг учинчи голини киритган пенальтини тепишга тайёргарлик кўраётганда, Винисиус Жуниор рақиб ҳимоячиси Унаи Элхесабалнинг ёнига келиб, унинг юзига қўлини теккизди.
Испаниялик футболчи ҳакамга мурожаат қилди, аммо у бу ҳолатга эътибор бермади.
"Мен вазиятни янада кескинлаштирмоқчи эмасман. Биз инсонмиз ва бизга нисбатан ҳурматсизлик кўрсатилганда дим турмаслигимиз керак.
У катта истеъдодга эга ўйинчи, лекин мен қабул қила олмайдиган вазиятлар бор. Мен ўз жамоамни ҳимоя қиламан ва эътиборсиз қолдира олмайдиган вазиятлар мавжуд", - деди Эльхесабал ўйиндан сўнг.
