Витинья "Олтин тўп" учун овоз бериш натижаларига изоҳ берди.
"ПСЖ" яримҳимоячиси France Football талқинига кўра мавсумнинг энг яхши футболчилари рўйхатида 3-ўринни эгаллади. Совринни унинг жамоадоши Усмон Дембеле қўлга киритди.
"Дунёдаги энг яхшилар орасида 3-ўрин! Мен учун катта шараф.
Севимли оилам ва ажойиб дўстларимнинг қўллаб-қувватлаши билан ҳар куни севимли ишим билан шуғулланишдан бахтиёрман. Бу даражага эришиш ақл бовар қилмайдиган нарса.
Мавсумнинг энг яхшиси деб топилган орзумиздаги жамоамизни табриклайман ва албатта дунёнинг энг зўр футболчиси бўлган дўстим Усмон Дембелени табриклайман!
Бу йилгидан кўра кўпроқ муваффақиятга эришиш қийинми? Ҳа. Лекин мен бундан ҳам кўпроғини хоҳлашни тўхтатмоқчи эмасман" - деб ёзди Витинья.
