Вилл Стилл Лига кубоги ўйини олдидан Уго Экитикенинг сўзлари ҳақида гапирди.  "Саутгемптон" бош мураббийи Стилл "Реймс"да Экитике билан ишлаган.

"Ливерпул" ҳужумчиси "Саутгемптон"га қарши ўйинда (2:1) танаффусдан сўнг дарҳол захирадан майдонга тушди ва 53-дақиқада рақибни тўхтатиб, кейин тўпни қайтариб юборгани учун огоҳлантирилди.

85-дақиқада Федерико Кьезанинг узатмасидан унумли фойдаланган француз аниқ зарбаси билан мерсисайдликларни ҳисобда олдинга олиб чиқди. Голдан сўнг Экитике футболкасини ечиб, трибунага кўрсатди. Бош ҳакам Том Бремелл гол муаллифига иккинчи сариқ карточкани кўрсатди.

"Бу шунчаки кулгили. Ўйин олдидан учрашдик ва у майдонга тушиб, гол уришини, кейин футболкани менга бериб кетишини айтди. 

Унга муносиб баҳо бериш керак. "Реймс" уни "ПСЖ"га 50 млн фунтга сотди, шунинг учун биз унинг нималарга қодирлигини билардик. У доимий хавф туғдиради ва унга қарши ўйнаш жуда ёқимсиз", - деди Стилл.