"Милан"нинг янги футболчиси Кристофер Нкунку Италия кубоги 1/16 финалидан ўрин олган "Лечче"га (3:0) қарши ўйинда клуб сафидаги дебют голини урганидан сўнг ҳиссиётлари билан ўртоқлашди.
"Мен асосий таркибда майдонга тушган биринчи ўйинда клубдаги дебют голимни киритганимдан жуда хурсандман. Бу жамоа учун жуда муҳим ғалаба ва шахсан мен учун ажойиб лаҳза. Мусобақанинг кейинги босқичига ўтишга муваффақ бўлганимиздан хурсандмиз. Албатта, ўз устимда ишлашга ҳаракат қиламан. "Милан"га келганимдан бери бу ерда ўзимни жуда қулай ҳис қиляпман", деди Нкунку.
Эслатиб ўтамиз, жорий йилнинг ёзида "Милан" "Челси"дан 37 миллион евро эвазига Кристофер Нкункани сотиб олган эди.
