"Ливерпуль" афсонаси Жейми Каррагер бир кун аввал Бильбаода бўлиб, "Бир клуб одами" махсус совринини қўлга киритди. Тадбир давомида Каррагер "Ливерпул"да кўришни истаган "Атлетик" футболчисини айтди.
"Нико Уилямс - фантастик ўйинчи. У Евро финалида Англия дарвозасига биринчи голни киритди. Испания бу ғалабага лойиқ эди. Унинг "Атлетик" футболчиси эканини ва яқинда клубингиз билан шартномасини 10 йилга узайтирганини биламан, лекин уни "Ливерпул" либосида кўришни истардим. Бу содир бўлмаслигини биламан, аммо орзу қилишим мумкин," - дея Каррагернинг сўзларини келтиради Goal портали.
2025/2026 йилги мавсумнинг учта ўйинида Нико Уильямс битта гол урди ва шерикларига иккита голли узатмани амалга оширди.













