"Liverpul" afsonasi Jeymi Karrager bir kun avval Bilbaoda bo‘lib, "Bir klub odami" maxsus sovrinini qo‘lga kiritdi. Tadbir davomida Karrager "Liverpul"da ko‘rishni istagan "Atletik" futbolchisini aytdi.
"Niko Uilyams - fantastik o‘yinchi. U Yevro finalida Angliya darvozasiga birinchi golni kiritdi. Ispaniya bu g‘alabaga loyiq edi. Uning "Atletik" futbolchisi ekanini va yaqinda klubingiz bilan shartnomasini 10 yilga uzaytirganini bilaman, lekin uni "Liverpul" libosida ko‘rishni istardim. Bu sodir bo‘lmasligini bilaman, ammo orzu qilishim mumkin," - deya Karragerning so‘zlarini keltiradi Goal portali.
2025/2026 yilgi mavsumning uchta o‘yinida Niko Uilyams bitta gol urdi va sheriklariga ikkita golli uzatmani amalga oshirdi.













