Европа Лигаси асосий босқичи старт оладиган куни Opta мутахассислари жамоаларнинг у ёки бу натижани кўрсатиш имкониятларини ҳисоблаш учун суперкомпьютерни ишга туширди. Европа Лигаси ғолиблиги ҳақида гапирадиган бўлсак, совринни қўлга киритиш учун энг катта имконият "Астон Вилла"да. Ҳисоб-китоблар шуни кўрсатдики, бирмингемликларнинг қитъанинг иккинчи даражали клуб турнирида ғалаба қозониш эҳтимоли 23,3 фоизни ташкил қилади.
Иккинчи ўринда 13 фоизлик кўрсаткич билан "Рома" бормоқда. Кучли учликни "Ноттингем Форест" якунлаб берди, унинг имкониятлари 10,2 фоизга баҳоланмоқда.
Европа Лигасида ғолиб чиқиш имконияти бўйича топ-5дан Франциянинг "Лилль" (8,1%) ва "Лион" (6,7%) клублари ҳам жой олган.
