Сешанба куни "Барселона" Гави жароҳатидан тикланиши учун тўрт ойдан беш ойгача вақт кетишини, яъни бу йил ярим ҳимоячи аниқ майдонга тушмаслигини маълум қилганди. Футболчи ҳақида каталонияликлар бош мураббийи Ханс-Дитер Флик изоҳ берди.

"У 21 ёшда ва унинг олдинда узоқ карьераси бор. Унинг қайтиши учун ҳамма нарсаси бор. У юқори даражадаги футболчи. Иккинчи жароҳатдан кейин у жуда интизомли бўлиши керак. Биз унга ёрдам берамиз, гарчи у қийин бўлишини билса ҳам. Аммо Гави буни уддалай олади," - деди Флик матбуот анжуманида.

"Барселона" айни дамда Ла Лиганинг "Реал Овьедо"га қарши сафар ўйинига тайёргарлик кўрмоқда. Жамоалар 25 сентябрь, пайшанба куни майдонга тушади.