"Ливерпуль" ярим ҳимоячиси Флориан Вирц унинг трансфер нархи ғайриоддий мавзу бўлганини тан олди, аммо бу рақамга тўхталмасликка ҳаракат қилмоқда.
Мерсисайд клуби 22 ёшли футболчи учун бонусларни ҳисобга олган ҳолда 136 миллион евро тўлаган - бу клуб тарихидаги энг йирик битимлардан бири.
Вирцнинг ўзи сўнгги йилларда "Ливерпул" учун бундай сарф-харажатлар камдан-кам бўлганини, аммо ҳозир эътиборни рақамларга эмас, балки кўрсаткичларга қаратиш муҳимлигини таъкидлади.
Ярим ҳимоячининг сўзларига кўра, жамоа устози Арне Слот ўйинчиларнинг қадр-қиммати жамоа ичида босим ёки муҳокама мавзусига айланиб қолмаслиги кераклигини айтган.
"Албатта, футболчи учун бундай пул ғайритабиий ҳолат ва буни ҳамма тушунади. Лекин бу сумма аллақачон тўланган.
Слот менга ўз қадрим ҳақида қайғурмасликни айтди. Бу клубда ҳар биримиз бир хил қийматга эга бўлишимиз мумкин", - дея футболчининг сўзларини келтиради Sky Sports.
