"Liverpul" yarim himoyachisi Florian Virs uning transfer narxi g‘ayrioddiy mavzu bo‘lganini tan oldi, ammo bu raqamga to‘xtalmaslikka harakat qilmoqda.
Mersisayd klubi 22 yoshli futbolchi uchun bonuslarni hisobga olgan holda 136 million yevro to‘lagan - bu klub tarixidagi eng yirik bitimlardan biri.
Virsning o‘zi so‘nggi yillarda "Liverpul" uchun bunday sarf-xarajatlar kamdan-kam bo‘lganini, ammo hozir e’tiborni raqamlarga emas, balki ko‘rsatkichlarga qaratish muhimligini ta’kidladi.
Yarim himoyachining so‘zlariga ko‘ra, jamoa ustozi Arne Slot o‘yinchilarning qadr-qimmati jamoa ichida bosim yoki muhokama mavzusiga aylanib qolmasligi kerakligini aytgan.
"Albatta, futbolchi uchun bunday pul g‘ayritabiiy holat va buni hamma tushunadi. Lekin bu summa allaqachon to‘langan.
Slot menga o‘z qadrim haqida qayg‘urmaslikni aytdi. Bu klubda har birimiz bir xil qiymatga ega bo‘lishimiz mumkin", - deya futbolchining so‘zlarini keltiradi Sky Sports.
