Дортмунднинг "Боруссия" клуби Карим Адейеми билан янги шартнома борасида музокараларни бошлади. Бу ҳақда Yahoo Sports хабар бермоқда.

Германия терма жамоасининг 23 ёшли ҳужумчиси билан амалдаги шартнома 2027 йилгача мўлжалланган. Раҳбарият унинг муддатини яна 2 йилга узайтиришни истамоқда. Янги келишув бўйича дастлабки муҳокамалар куни кеча спорт директори Себастьян Кель ва Адейемининг янги агенти Жорже Мендеш ўртасида бўлиб ўтди.

Transfermarkt портали томонидан 45 миллион еврога баҳоланган Адейеми "Боруссия"даги 3 йиллик фаолияти давомида 112 та ўйинда майдонга тушиб, 18 та гол урган ва 21 та голли узатмани амалга оширган.