Италиянинг "Рома" клуби яримҳимоячиси Миралем Пьянич "Тоттенхэм" қизиқиш доирасига кирган, дея хабар бермоқда The Guardian мухбири.
Инглиз клуби римликларга Босния ва Герцеговина терма жамоаси ўйинчиси учун 23 миллион евро таклиф қилди.
Аввалроқ футболчига "Манчестер Юнайтед", Дортмунднинг "Боруссия"си ва "Милан" клублари ҳам қизиқиш билдиришгани хабар қилинганди.
Бундан ташқари, Пьяничнинг "Зенит"га ўтиши борасида ҳам гап-сўзлар бўлмоқда.