"Милан" вице-президенти Адриано Галлиани бразилиялик ҳужумчи Робиньо трансфери ҳақида гапириб ўтди. Бу ҳақда Goal.com хабар тарқатган.
"Бразилияда трансфер ойнаси 20 июль куни ёпилади. Демак Робиньонинг тақдирини келаси 10 кун ичида ҳал этишимиз керак. Ҳозирча музокаралар жойидан силжигани йўқ.
Ляйич? Мен аллақачон "Фиорентина" спорт директори Даниэле Праде билан учрашиб, шу саволни муҳокама қилиб олдим", деди Галлиани.
Эслатиб ўтамиз, Бразилиянинг "Сантос" клуби Робиньони ҳарид қилиш ниятидан қайтганлиги эълон қилиб, бунинг сабаби эса "Милан" ҳамда футболчи қўйган молиявий талабларни кўтаролмаслиги билан изоҳлаганди.