"Манчестер Сити" бош мураббийи Хосеп Гвардиола 18 ёшли ҳужумкор ярим ҳимоячи Дивайн Мукасанинг асосий жамоадаги дебютида кўрсатган ўйинига баҳо берди.
Ёш футболчи "шаҳарликлар" сафида Лига кубоги доирасида "Ҳаддерсфилд Таун"га қарши баҳсда (2:0) асосий таркибда майдонга тушди. 18-дақиқада янги футболчи Фил Фоденнинг голига ассистентлик қилди.
"Дивайн ажойиб ўйнади. У чизиқлар оралиғида, ҳужумчи позициясида ниҳоятда яхши ҳаракат қилади, унинг ҳиссиёти жуда кучли. Бугун у 2-3та гол уриш имкониятига эга бўлди," - дея Гвардиоланинг сўзларини келтиради City Xtra.
"Манчестер Сити" Лига кубогининг 1/8 финалида "Суонси"га қарши баҳс олиб боради.
