"Манчестер Сити" бош мураббийи Хосеп Гвардиола жамоанинг Англия Лига Кубоги 1/16 финалидан ўрин олган "Ҳаддерсфилд Таун"га (2:0) қарши ўйиндаги ҳаракатларига баҳо берди.
"Бугун жуда яхши ўйнадик. Ҳужумни бошлашда баъзи жиҳатларни кучайтиришимиз керак, лекин умуман олганда, биз жуда, жуда зўр ҳаракат қилдик - жонбозлик, тажовузкорлик билан. Ҳа, биз кейинги босқичга чиқдик, бу ҳам ажойиб," - деди Гвардиола Sky Sports билан суҳбатда.
Англия Лига кубогининг 1/8 финалида "Манчестер Сити" сафарда "Суонси" меҳмони бўлади.
