"Интер Майами" МЛСда "Нью-Йорк Сити"ни Лионель Мессининг дубли эвазига мағлуб этди (4:0).
Аргентиналик хет-трикни расмийлаштириши мумкин эди: ўйин охирида "қўтонлар" пенальти ишлаб олди ва бу вақтда битта гол урган Лео нуқтага яқинлашиш ҳуқуқини Луис Суаресга берди. Уругвайлик бу уринишни голга айлантирди ва бир ойдан ортиқ давом этган голсиз серияни тўхтатди. Орадан 3 дақиқа ўтиб, Месси дублни расмийлаштирди.
"Мессининг пенальти тепиш қарори? У ўз фаолиятида буни тез-тез амалга оширган. Лео ҳар доим кимгадир ўзидан кўра кўпроқ гол кераклигини кўрганда ёрдам беришга ҳаракат қилади. Мен учун бу жамоавий руҳнинг ажойиб намойиши," - дея бош мураббий Хавьер Маскеранонинг сўзларини келтиради Inter Miami News Hub.
Лионель Месси 24 та гол билан МЛС тўпурарлари рейтингида етакчилик қилмоқда.
