"Манчестер Сити" Англия Лига Кубоги 1/16 финали доирасида "Хаддерсфилд Таун"ни мағлуб этди (2:0). Ўйиндан сўнг "шаҳарликлар" устози Пеп Гвардиола жамоаси ҳаракатларидаги сезиларли яхшиланиш ҳақида фикр билдирди.
"Сифатли ўйин ўтказиб, ҳимояни сезиларли даражада кучайтирдик ва тўпни назорат қилиш орқали ижобий натижага эришдик. Бутун ўйин давомида рақиблар деярли 90 дақиқа ичида дарвозамизга фақат битта реал хавф туғдиришди. Англия Кубоги ва Лига Кубогида 10 йиллик тажрибага эга бўлган ҳолда, Чемпионшип ва Биринчи Лига клублари билан сафар ўйинлари қанчалик қийин бўлишини яхши тушунаман ва биз бундай ўйинларга ҳар доим масъулият билан тайёргарлик кўрамиз," - дея Гвардиоланинг сўзларини келтиради Manchester Evening News.
Мусобақанинг 1/8 финалида "Манчестер Сити" Уэлснинг "Суонси Сити" клуби меҳмони бўлади.
