"Манчестер Юнайтед"нинг собиқ футболчиси ва футбол эксперти Рио Фердинанд "Олтин тўп" учун овоз беришда "Барселона" ҳужумчиси Рафинья Диас бешинчи ўринни эгаллагани ҳақида гапирди.
"Барселона" ва Испания ОАВ Рафиньяни муҳокама қилганини эшитдим. Нега у 5-ўринни эгаллади? "Олтин тўп"га тайёргарлик кўриш жараёнида Рафинья ҳақида бир оғиз ҳам гапиришмади, фақат Ламин Ямал ҳақида гапиришди. Энди улар Рафиньяни кўпроғига лойиқ деб айтишмоқда, аммо ҳақиқат шундаки, Рафиньяни ҳеч ким қўллаб-қувватламаган", - дея таъкидлади Фердинанд.
Рафинья ўтган мавсумда барча турнирларда 57 та ўйинда майдонга тушиб, 34 та гол урган ва 25 та голли узатмани ўз ҳисобига ёздириб қўйган.
